သား
အိပ်ရာစောစောထတဲ့ အကျင့်လုပ်နော်။
စောစောအိပ် စောစောထ
လမ်းလျှောက်၊ လေ့ကျင့်ခန်းလုပ်
ဖြစ်နိုင်ရင် ဘုရားတစ်ဆူဆူသွား
ဘုရားဝတ်ပြု ဆုတောင်း
ငှက်ကလေး ခွေးကလေး
ကြောင်ကလေး ငါးကလေးတွေ အစာကျွေး
စိတ်တအား အေးချမ်းတယ်သားရဲ့။
မယုံရင် လုပ်ကြည့်စမ်း။
သားအကြိုက်တွေ့သွားမှာ သေချာတယ်။
ဘာဖြစ်လို့ ဖေဖေ အဲ့ဒီလို အပိုင်ပြောနိုင်တာလဲ၊
သား မေးဦးမလား။
ဖေဖေ့မှာ အဖြေအသင့်ရှိတယ်။
သားကိုယ်ထဲမှာ စီးဆင်းနေတဲ့ သွေးထဲမှာ
ဖေဖေ့သွေးတွေလည်း ပါနေလို့ပေါ့။
ဖေဖေ
No comments:
Post a Comment