သင်္ဘောသီးအစိမ်း၏ ထူးခြားသောအာနိသင်များ
=============================
သင်္ဘောသီးအစိမ်းတွင် ထူးခြားသော အာနိသင်များရှိသည်။ အစာအိမ်နှင့် အူလမ်းကြောင်းကို ကောင်းစေသည်။ အစာအိမ်အနာကို ကျက်စေသည်။ ဆီးလမ်းကြောင်းရောင်ရမ်းခြင်းကို သက်သာစေ သည်။
လေနာနှင့်လည်း တည့်သည်။ အညှာမှထွက်သော အစေးသည် ပိုးကိုသေစေနိုင်သည်ဟု အာ ယုဗေဒကျမ်းများတွင် ဆိုသည်။ အစေးနှင့် တို့ပေးခြင်းဖြင့် ကင်းဆိပ်၊ မြွေဆိပ်များကိုပင် ပြေစေနိုင် သည်ဟု ဆိုသည်။

ယခုတလော အင်တာနက် Facebook ပေါ်တွင် သင်္ဘောသီးအစိမ်းဖြင့်ပြုလုပ်သော ရေနွမ်းကြမ်းဖြင့် ဆီးချိုရောဂါ ပျောက်ကင်းနိုင်ကြောင်း ပါလာသည်။ (အမှန်ကတော့ ဆီးချိုရောဂါသည် ဖြစ်ပြီးလျှင် ပျောက်ကင်းနိုင်သော ရောဂါမျိုးမဟုတ်ပါ။
အခိုက်အတန့်သက်သာပြီး အစားအသောက်မဆင်ခြင်လျှင် ဆီးချိုပြန်တက်လာတတ်ပါသည်။) ပျောက်ကင်းကြောင်း ကြားရလျှင်ပင် စိတ်ဝင်တစားလေ့လာရပါ သည်။
သို့သော် ဆီးချိုရောဂါပျောက်ကင်းသည်ဆိုသူများကို မေးမြန်းကြည့်သောအခါတွင် နေ့စဉ်သွေး ဖောက်မတိုင်းဘဲ မှန်းခြေနှင့်ပြောခြင်း၊ ဆီးအိုးကို ပုရွတ်ဆိတ်မတက်ရုံဖြင့် ဆီးချိုမရှိတော့ဟု ထင်နေ ခြင်းမျှသာဖြစ်ကြောင်း တွေ့ရှိရပါသည်။
ထိုသူများအထူးသတိထားသင့်သည်မှာ ဆီးတွင် ပုရွတ်ဆိတ် အုံနေသောအဆင့်ရောက်လျှင် သွေးချိုအဆင့် ၁၂ ကျော်နေတတ်သည်။ အတော်ပင်မြင့်နေပြီ ဖြစ် သည်။

မကြာသေးမီရက်က ဆီးချိုရောဂါရှိသူ လူနာဦးလေးကြီးတစ်ဦးရောက်လာပြီး သူများညွှန်သဖြင့် သူ ကိုယ်တိုင်စမ်းသပ်ပြီး သင်္ဘောသီးရေနွေကြမ်းသောက်နေကြောင်း ပြောပါသည်။
မည်ကဲ့သို့ ပြုလုပ် သနည်းဟုမေးရာ ပြုလုပ်နည်းမှာ သင်္ဘောသီးအစိမ်း ကြီးကြီးတစ်လုံးကို အညှာရှိသောအပိုင်းမှ လက် နှစ်ဆစ်ခန့်ခွာပြီး လှီးဖြတ်လိုက်သည်။ အတွင်းမှ အခေါင်းပေါက် ပေါ်လာသောအခါ အစေ့များကို ဇွန်း ဖြင့်နှိုက်ထုတ်သည်။
အစေ့များကုန်သောအခါ အတွင်းသို့ လက်ဖက်ခြောက် အနည်းငယ်ထည့်သည်။ ထို့နောက် ရေနွေးအဖြူလောင်းထည့်သည်။ ဖြတ်ထားသောအညှာဖြင့် အဖုံးပြန်ပိတ်ပြီး ထောင်လျက် ထားသည်။
နာရီဝက်ခန့်ကြာသောအခါ သင်္ဘောသီးအစိမ်းထဲမှာ နှပ်ထားသော ရေနွေးကြမ်းကို ငှဲ့ယူ ပြီး ရေနွေးကြမ်းသောက်သကဲ့သို့ သောက်သည်ဟု ပြောပါသည်။
ထူးခြားချက်မှာ ယခင်ကသူညတိုင်း ငါးကြိမ်၊ ခြောက်ကြိမ် ဆီးထသွားရသည်မှ ယခုအခါ သုံးရက်သောက်ပြီးနောက် ညနှစ်ကြိမ်သာ ထရ တော့သည်ဟု ဆိုပါသည်။ အမှန်တော့ သွေးဖောက်စစ်ပြီး မှတ်တမ်းထားလျှင် ပိုကောင်းပါမည်။

သင်္ဘောရွက်ကို ပြုတ်သောက်လျှင် ကင်ဆာရောဂါပျောက်သည်ဟု မနှစ်ကခေတ်စားခဲ့ပါသေးတယ်။ ဂျာနယ်များတွင် ဖတ်ရှုသောအခါ ထိုသတင်းသည် မြန်မာနိုင်ငံမှမဟုတ်၊ သြစတြေးလျနိုင်ငံမှ သုတေ သီအချို့ကစခဲ့သည် ဟု သိရသည်။
မြန်မာနိုင်ငံတွင်လည်း စာရေးဆရာကြီးတစ်ဦးက ဖြန့်ဝေခဲ့သဖြင့် သင်္ဘောရွက်ပြုတ်သောက်သူတွေ များစွာရှိနေသည်ဟု သိရသည်။ (လက်တွေ့တိုက်တိုက်ဆိုင်ဆိုင် ကင်ဆာရောဂါပျောက်သူကိုတော့ မတွေ့ရသေးပါ။
မတွေ့ရခြင်းမှာလည်း ကင်ဆာလူနာများသည် အနောက်တိုင်းဆေးနှင့် ဓာတ်ကင်ကုသမှု ခံယူနေကြသူများဖြစ်ကြပြီး ကြားအချိန်တွင်လည်း မြန်မာ ဆေးမြီးတိုကို စမ်းသပ်သုံးစွဲသူများလာသဖြင့် သီးသန့်သင်္ဘောရွက်ပြုတ်ရည်တစ်ခုတည်း
သုံးစွဲကုသ နေသူကို မတွေ့ရခြင်း ဖြစ်ပါလိမ့်မည်။)

သင်္ဘောသီးအစိမ်းတွင် ဖြစ်နိုင်ခြေအတော်ရှိသည်မှာ အညှာမှထွက်သောအစေးနှင့် သင်္ဘောသီးစိမ်း တွင်ရှိသော အစေးဓာတ်တို့သည် အဆိပ်ကိုနိုင်သည်ဟု အာယုဗေဒကျမ်းစာများတွင် တွေ့ရှိဖတ်ဖူး သောကြောင့် ဖြစ်ပါသည်။
အဆိပ်သည် သင်္ဘောအစေးနှင့် ပြယ်နိုင်သဖြင့် ဆေးဖက်ဝင်သော အစေး ဖြစ်သည်ဟု ယူဆနိုင်ပါသည်။

ဂေါက်ရောဂါ (အဆစ်ရောင်ရောဂါ) ရှိသူတစ်ဦးက သင်္ဘောသီးအစိမ်းကို ထိပ်ဖွင့်ပြီး အတွင်းမှအစေ့ များကို ကော်ထုတ်ယူပြီး အတွင်းခေါင်းထဲတွင် တောကြက်ဥ (သဘာဝကြက်ဥ) ကို ထည့်ပြုတ်စား လျှင် သက်သာသည်ဟုဆို၍ စမ်းသပ်စားကြည့်နေကြောင်း
ပြောသည်။ အချို့ကလည်း မီးဖုတ်စား လျှင် အာနိသင်ပိုကောင်းသည်ဟု ပြောသည်။ ကြက်ဥအနှစ်သည် ဂေါက်ရောဂါနှင့်မတည့်။ Uric Acid တက်စေသော အစာဖြစ်သည်။ သို့သော် ကြက်ဥကို သင်္ဘောသီးအစိမ်းတွင်ထည့်၍ ပြုတ်စားလျှင်
ဂေါက်ရောဂါသက်သာစေသည်ဟု ဆိုပြန်သည်။ သင်္ဘောသီးအစိမ်းများအတွင်းမှ အစေးဓာတ်သည် Uric Acid တက်ခြင်းကို ပယ်ဖျောက်နိုင်သည့် သဘောဖြစ်သည်။

အာယုဗေဒ ဆေးပညာအရ အချိုဓာတ်ကိုပျက်စေရန် အစပ်ဓာတ်ပေးရမည်ဟု ဆိုပါသည်။ အခါးကို အရသာအားဖြင့် ဆန့်ကျင်ဘက်ဖြစ်သော်လည်း အစာကြေကျက်ပြီးနောက်ဖြစ်ပေါ်သော ရသရည် တွင်အခါးသည် ချိုကျက်တတ်သည်ဟု ဆိုပါသည်။
ဆီးချိုသမားသည် သွေးထဲမှာ အချိုဓာတ်များသ ဖြင့် ပျက်စေလိုလျှင် အစပ်ဓာတ်ပေးရသည်။ သင်္ဘောသီးအစိမ်း၏ အစေးတွင် အစပ်ဓာတ်ပါဝင်သည်။

စာရေးသူတို့အကြိုက် နည်းလမ်းမှာ သင်္ဘောသီးအစိမ်းကို ဟင်းချက်လျှင် (ဘူးသီးဟင်းခါးချက်သကဲ့ သို့) အတုံးများတုံးပြီး ဟင်းချက်ပါ။ ဟင်းမချက်မီ သင်္ဘောသီးအပြင်မှ အစိမ်းရောက်အခွံများကို ခြစ် ပစ်ပါ။

အခွံနှင့် အသီးကြားမှ အစေးများသည် ဆေးဖက်ဝင်သည်။ ဟင်းကျက်ပြီးနောက် ငရုတ်ကောင်းအမှုန့် ဖြူးပြီး ဟင်းခါးအဖြစ် သောက်နိုင်ပါသည်။ ငရုတ်ကောင်းမှုန့်သည် ဆီးရွှင်စေသည်။

ဤဓာတ်စာသည် ဆီးချိုသမားများနှင့် သင့်သည်။ ဆီးချိုရောဂါရှိသူများသည် သင်္ဘောသီးအမှည့် (အဝါရောင်) နှင့် မသင့်သော်လည်း အစိမ်းနှင့်တည့်သည်။ သင်္ဘောသီးဟင်းခါးသည် ဆီးချို၊ သွေးတိုး၊ လေနာ၊ အစာအိမ်ရောင်ရောဂါများအတွက် ကောင်းသည်။
တစ်ပတ်လျှင်တစ်ကြိမ် ချက်စားပါ။ အစာ အိမ်လေနာရောဂါ လက်တွေ့ပျောက်သည်။ ဈေးဖိုးအကုန်အကျမများဘဲ ကျန်းမာရေးအတွက်လည်း အကျိုးရှိသောဓာတ်စာဟင်းတစ်ခွက် ဖြစ်ပေသည်။ ။

မြန်မာ့အလင်းသတင်းစာ

ဖေဖော်ဝါရီလ (၁၁) ရက်၊ ၂၀၁၆ ခုနှစ်

Written by ကြည်လွင့်မြင့် (မုဒြာ)

ဆေးဝါးမကူဘဲ ခေါင်းကိုက်သက်သာစေသော သဘာဝနည်းများ
------------------------------------------------------------------
ခေါင်းကိုက်ခြင်းဟာ စိတ်အနှောင့်အယှက်ပေးတဲ့ ဝေဒနာတစ်ခုဖြစ်ပြီး နေ့စဉ် မိသားစုဘဝ၊ လုပ်ငန်း ခွင်၊ အိပ်စက်ချိန်နဲ့ အားကစားလှုပ်ရှားမှုတွေ ပြုလုပ်ချိန်မှာ ကြားဝင်နှောင့်ယှက်တတ်ပါတယ်။ အလုပ် ထဲက စိတ်ဖိစီးမှုကြောင့် ခေါင်းကိုက်နိုင်သလို ပြင်းထန်တဲ့ ရောဂါလက္ခဏာတစ်ခုအနေနဲ့လည်း ခေါင်း ကိုက်နိုင်ပါတယ်။

ခေါင်းကိုက်ခြင်းကို သုတောသနပြုတဲ့ နိုင်ငံတကာအဖွဲ့အစည်းတစ်ရပ်က ခေါင်းကိုက်ခြင်းအမျိုးအစား ကို နှစ်မျိုးနှစ်စားရှိကြောင်း ဖော်ပြပါတယ်။

မူလခေါင်းကိုက်ခြင်းဟာ ဦးခေါင်းရဲ့အတွင်းပိုင်းထဲက သိရှိခံစားနိုင်တဲ့ အင်္ဂါအစိတ်အပိုင်းတွေဖြစ်တဲ့ သွေးကြောများနဲ့ ဦးနှောက်အာရုံကြောများ လွန်ကဲစွာအလုပ်လုပ်ရခြင်း၊ လည်ပင်းကြွက်သားနဲ့ ဦး ခေါင်းကြွက်သားများ၊ ပင်ပန်းနွမ်းနယ်ခြင်းနဲ့ ဦးနှောက်အတွင်းပိုင်းက ဓာတုဖြစ်စဉ်များကြောင့် ခေါင်း ကိုက်ရခြင်း ဖြစ်ပါတယ်။ စိတ်ဖိအားများကြောင့် ခေါင်းကိုက်ခြင်း၊ ခေါင်းကြီးကိုက်ရောဂါလို့ခေါ်တဲ့ ပျို့ အန်ခြင်း၊ အမြင်ထိခိုက်ခြင်းတို့ ပူးတွဲဖြစ်လေ့ရှိတဲ့ မကြာခဏခေါင်းကိုက်ခြင်း၊ ကာယလှုပ်ရှားမှုများ ကြောင့် ခေါင်းကိုက်ခြင်း၊ ချောင်းဆိုးဝေဒနာကြောင့် ခေါင်းကိုက်ခြင်းနဲ့ နေ့စဉ်လိုလို ခေါင်းကိုက်ခြင်း များဟာ မူလခေါင်းကိုက်ခြင်း အမျိုးအစားဖြစ်ပါတယ်။

ဒုတိယအမျိုးအစားဖြစ်တဲ့ ဆင့်ပွားခေါင်းကိုက်ခြင်းကတော့ ရောဂါဝေဒနာခံစားရမှုကြောင့် ဦးခေါင်းအ တွင်းပိုင်းရှိ နာကျင်ခံစားလွယ်သော အာရုံကြောများကို လှုံ့ဆော်ခံရခြင်းကြောင့်ဖြစ်ပါတယ်။ ဦးခေါင်း ခွံအတွင်းပိုင်းနာကျင်မှုကြောင့် ခေါင်းကိုက်ခြင်း၊ ရေဓာတ်ဆုံးရှုံးရခြင်း၊ ပြင်းပြင်းထန်ထန်သွေးခဲခြင်း သို့မဟုတ် ဦးနှောက်သွေးလွှတ်ကြောများနေရာကွက်၍ အလွန်အမင်းကြီးထွားခြင်းများကြောင့် ဆင့် ပွားခေါင်းကိုက်ဝေဒနာကို ခံစားရနိုင်ပါတယ်။ နားအတွင်းရောဂါဖြစ်ပွားခြင်း၊ ဦးခေါင်းထိခိုက်မှုဖြစ်ခြင်း၊ တုပ်ကွေးမိခြင်း၊ ဦးနှောက်အမြှေးရောင်ခြင်း၊ မျက်စိရေတိမ်စွဲခြင်းနဲ့ ရုတ်တရက်အကြီးအကျယ် ကြောက်လန့်ခြင်း၊ အကိုက်အခဲပျောက်ဆေးများ အလွန်အကျွံသုံးစွဲခြင်းများကြောင့်လည်း ခေါင်းကိုက် နိုင်ပါတယ်။

ခေါင်းကိုက်ဝေဒနာအတွက် နီးစပ်ရာဆေးဆိုင်ဆေးခန်းများသို့ ပြေးစရာမလိုဘဲ သဘာဝနည်းလမ်း များနဲ့ လျော့ပါးသက်သာအောင် ပြုလုပ်နိုင်ပါတယ်။

လမ်းလျှောက်ခြင်း
ရုတ်တရက်ခေါင်းကိုက်လာချိန်မှာ ဆိတ်ငြိမ်တဲ့နေရာတစ်နေရာကိုသွားပြီး လမ်းလျှောက်ခြင်းနဲ့ လေ ကောင်းလေသန့်ရှူရှိုက်ခြင်းက အထိုက်အလျောက်သက်သာစေပါတယ်။ အထူးသဖြင့် ကွန်ပျူတာဖန် သားပြင် သို့မဟုတ် လက်ကိုင်ဖုန်းဖန်သားပြင်ကို ရေရှည်ကြည့်ရှုနေရတာကြောင့် ဖြစ်ရတဲ့ခေါင်းကိုက် ခြင်းအတွက် ဒီနည်းက ထိရောက်မှုရှိပါတယ်။ အသက်ကိုပြင်းပြင်းရှူပြီး စိတ်ကိုပေါ့ပေါ့ပါးပါး ထားရပါ မယ်။

ရေခဲအသုံးပြုခြင်း
သင့်ရဲ့နဖူးပြင်၊ နားထင်နဲ့ ဂုပ်ပိုးတွေမှာ ရေခဲထုပ်နဲ့ ဖိကပ်ပေးခြင်းကလည်း နည်းလမ်းကောင်းတစ်ခု ဖြစ်ပါတယ်။ ရေခဲတုံးရဲ့ အအေးဓာတ်က ကြွက်သားများတင်းမာနေမှုကို ပြေလျော့စေပြီး နာကျင် ကိုက်ခဲမှုကို သက်သာစေပါတယ်။ ရေများများသောက်ဖို့ လိုအပ်ပါတယ်။

ဦးခေါင်းကိုနှိပ်နယ်ခြင်း
ဦးခေါင်းရဲ့နာကျင်ကိုက်ခဲနေတဲ့ နေရာတစ်ဝိုက်ကို လက်မနဲ့ လက်ညှိုးနှစ်ဖက်ကို အသုံးပြုပြီး အသာ အယာနှိပ်နယ်ပေးပါ။ နဖူး၊ နားထင်၊ ငယ်ထိပ်နေရာနဲ့ ဦးခေါင်းခွံအောက်ခြေနေရာများကို ၁၀ မိနစ်က နေ ၁၅ မိနစ်လိုအပ်ရင် ဒီထက်ပို၍ အချိန်ကြာကြာနှိပ်နယ်ပေးပါ။

မှေးစက်အနားယူခြင်း
ခေါင်းအလွန်ကိုက်လာချိန်မှာ ခေတ္တမှေးစက်အနားယူလိုက်ခြင်းကလည်း ပြန်နိုးထလာချိန်မှာ အံ့သြ ဖွယ်ရာခေါင်းကိုက်ပျောက်ကင်းသွားတာကို တွေ့ရပါတယ်။ သက်သောင့်သက်သာဖြစ်မယ့် တစ်နေ ရာရှာဖွေပြီး အသက်ကိုပုံမှန်ရှူရှိုက်ကာ ခေတ္တမှေးစက်လိုက်ပါ။ ဘာမှမစဉ်းစားပါနဲ့။

တစ်ခါတစ်ရံမှာ ခေါင်းကိုက်ခြင်းဟာ ဆာလောင်မှုကြောင့်ဖြစ်တတ်သလို အစာစားချိန်ပျက်ကွက်တာ ကြောင့်လည်း ဖြစ်တတ်ပါတယ်။ နေ့စဉ်အစာစားချိန်ကို ပုံမှန်သတ်မှတ်ပြီးစားပါ။ ကွန်ပျူတာကို အချိန် ကြာမြင့်စွာအသုံးပြုခြင်း ရှောင်ကြဉ်ပါ။ နေရောင်အချိန်ကြာကြာထိတွေ့ခြင်းက ခေါင်းကိုက်စေနိုင်တာ ကြောင့် UV ကာကွယ်တဲ့ နေကာမျက်မှန်တပ်ဆင်ပါ။ ဆံပင်ကို တင်းကျပ်စွာ စည်းနှောင်တာမျိုးမလုပ် ပါနဲ့။

မြန်မာ့အလင်းသတင်းစာ

မတ်လ (၆) ရက်၊ ၂၀၁၆ ခုနှစ်

Written by ကလျာမိုးမြင့်

ဒီနေ့အတွကလက်ဆောင်ပေးချင်တဲ့ စကားလေးကတော့ ....

“Two things define you. Your patience when you have nothing.
Your attitude when you have everything.”
“
သင့်ရဲ့ဘ၀ကို ဖော်ဆောင်နေတဲ့အရာနှစ်ခုကတော့ သင့်ဆီမှာဘာမှမရှိတဲ့အချိန်မှာထားတဲ့သင့်ရဲ့
သည်းခံနိုင်စွမ်းနဲ့ အရာအားလုံးကို ပိုင်ဆိုင်ပြီးတဲ့အချိန်မှာ ရှိတဲ့သင့်ရဲ့သဘောထားပဲဖြစ်ပါတယ်။”

ပတ္တ့မြားFM

ဒီနေ့မှာလည်း ကျွန်တော် Simple Reminder Website ကနေ တွေ့ရှိထားတဲ့ စကားလေးတစ်ခွန်းကို
လက်ဆောင် ပါးချင်ပါသေးတယ်။
ဒီစကား ကလည်း ကိုယ့်ရဲ့လက်ရှိအခြေအနေအပေါ် စိတ်ပျက်အားငယ်နေရတဲ့ သူတွေအတွက်
အားတက်စေမယ့်စကားလေးပါ။

“Always remember that your present situation is not your final destination. The best is yet to come.”
“သင့်ရဲ့အခုလက်ရှိအခြေအနေဆိုတာ သင့်ဘ၀အတွက် လမ်းဆုံးမဟုတ်ဘူးဆိုတာ အမြဲတမ်းသတိရပါ။
အကောင်းတကာ့ အကောင်းဆုံးတွေ ထပ်လာဖို့ရှိပါသေးတယ်။”

ပတ္တမြား FM

ဒီနေ့မှာတော့ လူတစ်ယောက်အောင်မြင်ရခြင်းရဲ့
နောက်ကွယ်က အကြောင်းလေးကို ပြောပြပေးချင်ပါတယ်။
လူတစ်ယောက်ဘာလို့ အောင်မြင်သလဲလို့ဆိုပြီး ပြောထားတဲ့စကားလေးကတော့။

“A man is a success if he gets up in the morning and gets to bed at night,
and in between he does what he wants to do.”

“လူတစ်ယောက်ဘာလို့အောင်မြင်သလဲဆိုရင် မိုးလင်းတဲ့အချိန်အိပ်ရာထတဲ့အချိန်ကနေ
ညဘက်အိပ်ရာဝင်တဲ့အချိန်ကြားမှာ သူလုပ်ချင်တဲ့အရာတွေကို လုပ်နေရတယ်ဆိုရင်
အဲဒါအောင်မြင်တာပဲ။”

ပတ္တမြား FM

သား...

အချစ်နဲ့ဘဝ မတူဘူး။
အချစ်က အချစ်
ဘဝက ဘဝပဲ။
ဘဝက အချစ်ထက်
ပိုတန်ဖိုးကြီးတယ်။
ဒါကြောင့်... ဘာအကြောင်းနဲ့ပဲဖြစ်ဖြစ်
အချစ်နဲ့ဘဝကို မလဲမိပါစေနဲ့လို့...။

ဖေဖေ

သား...

စာများများဖတ်မှ
များများသိမယ်။
များများသိမှ
အများကြီး စဉ်းစားတတ်မယ်
အများကြီး စဉ်းစားတတ်မှ
အမှားတွေကို ရှောင်ကွင်းပြီး
အမှန်တွေကို ရွေးချယ်တတ်လာမယ်။
ဒါကြောင့်
စာများများဖတ်ဖို့ လိုတယ်။

ဖေဖေ

သား

အိပ်ရာစောစောထတဲ့ အကျင့်လုပ်နော်။
စောစောအိပ် စောစောထ
လမ်းလျှောက်၊ လေ့ကျင့်ခန်းလုပ်
ဖြစ်နိုင်ရင် ဘုရားတစ်ဆူဆူသွား
ဘုရားဝတ်ပြု ဆုတောင်း
ငှက်ကလေး ခွေးကလေး
ကြောင်ကလေး ငါးကလေးတွေ အစာကျွေး
စိတ်တအား အေးချမ်းတယ်သားရဲ့။
မယုံရင် လုပ်ကြည့်စမ်း။
သားအကြိုက်တွေ့သွားမှာ သေချာတယ်။
ဘာဖြစ်လို့ ဖေဖေ အဲ့ဒီလို အပိုင်ပြောနိုင်တာလဲ၊
သား မေးဦးမလား။
ဖေဖေ့မှာ အဖြေအသင့်ရှိတယ်။
သားကိုယ်ထဲမှာ စီးဆင်းနေတဲ့ သွေးထဲမှာ
ဖေဖေ့သွေးတွေလည်း ပါနေလို့ပေါ့။

ဖေဖေ

နနွင်း၏ရောဂါကာကွယ်နိုင်သော အစွမ်း
======================
နနွင်းရဲ့ အရောင်ကျ အာနိသင်ဟာ ကင်ဆာ၊ အယ်လ်ဇိုင်းမားနဲ့ တခြားရောဂါတွေ မဖြစ်အောင် ကာကွယ်ပေးနိုင်ပါတယ်။
ဘယ်နေရာမှာ ရေပန်းစားတာလဲ
အိန္ဒိယနိုင်ငံမှာ အသုံးများပါတယ်။ ဟင်းချက်ပြုတ် ပြင်ဆင်ရာမှာ အဓိကသုံးတဲ့ နနွင်းမှုန့်ကို နှာရည်ယိုခြင်း ပြဿနာမှ ရင်ဘတ်အောင့်တဲ့ ပြဿနာအထိ အရာရာတိုင်းမှာ ရိုးရာအာရှဆေးတစ်လက်အဖြစ် သုံးလေ့ရှိပါတယ်။

ဘာကြောင့် သုံးသင့်တာလဲ
လေ့လာမှုတွေအရ နနွင်းမှုန့်ထဲမှာ အဓိကပါဝင်တဲ့ Curcumin ဟာ ကိုလက်စထရောပမာဏ လျော့ကျစေကြောင်း သိရပါတယ်။ တိရစ္ဆာန်တွေကို လေ့လာမှုအရ နနွင်းဟာ အကျိတ်ဖြစ်ပေါ်ခြင်းကို တားဆီးပေးနိုင်ကြောင်း သိရပါတယ်။ အခုလတ်တလော လေ့လာမှုအရ နနွင်းမှုန့်ဟာ ကင်ဆာရောဂါ၊ အယ်လ်ဇိုင်းမားရောဂါနဲ့ တခြားရောဂါတွေ မဖြစ်အောင် ကာကွယ်ပေးနိုင်ကြောင်း သိရပါတယ်။

ဘယ်လိုသုံးသင့်တာလဲ
ဒယ်အိုးထဲမှာ ဆီအနည်းငယ်ထည့် အပူပေးပြီး နနွင်းမှုန့် ထမင်းစားဇွန်းတစ်ဇွန်း၊ ဆားအနည်းငယ်နဲ့ ငရုတ်ကောင်းမှုန့် အနည်းငယ်ထည့်ကာ တစ်မိနစ်ခန့် မွှေပါ။ (ငရုတ်ကောင်းမှုန့်ဟာ နနွင်းမှုန့်ထဲက Curcumin ဂုဏ်သတ္တိကို ၂၀၀၀ ရာခိုင်နှုန်းနဲ့အထက် မြင့်တက်စေနိုင်ပါတယ်။) မွှေပြီးမှ ဟင်းသီးဟင်းရွက်၊ အသားငါးထည့်ကာ ကြော်စားပါ။
Ref: Good Health
*********************************
နနွင်း
ဟင်းခတ်အမွေးအကြိုင်နဲ့ နနွင်းမှုန့်ကိုအာရှအစားအစာနှင့်မြန်မာ့ဟင်းပွဲ အတော်များများမှာလည်းထည့်ပြီး
ချက်ပြုတ်တတ်ကြပါတယ်။ ကမ္ဘာပေါ်မှာ ဟင်းခတ် အမွှေးအကြိုင်တွေ အများ ကြီးရှိပါတယ်။ အဲဒီအထဲကမှ ဆေးဖက်ဝင်ပြီး ဟင်းထဲထည့်ချက်လျှင်လည်းအရသာရော၊
အရောင်ပါကောင်းစေတဲ့ နနွင်းမှုန့်ကို လူတော်တော်များများ သတိထားမိကြမှာအမှန်ပါ။


တရုတ်နှင့် အိန္ဒိယလူမျိုးများက နနွင်းမှုန့်ကိုဆေး အဖြစ် နှစ်ပေါင်းအတော်ကြာကတည်းက အရိုးပွခြင်း၊ အဆစ်အမြစ်ကိုက်ခဲရောင်ရမ်းခြင်းစသည်ဖြင့်ရောင်ရမ်းသောနာကျင်မှုများကိုကုသရာတွင်
အသုံးချခဲ့ကြပါတယ်။

နနွင်းမှုန့်ရဲ့ သမိုင်းကြောင်းကိုကြည့်မယ်ဆိုရင်တော့နနွင်းမှုန့်ကို ဟင်းခတ်မှုန့်၊ဆေးကုသရာတွင်သာမက အ၀တ်အထည်တွေ အရောင်ဆိုးတဲ့နေရာပါ သုံးကြတာ ကိုတွေ့ရပါတယ်။
အဲဒါတင် မဟုတ်ပါဘူး။ အသားအရေ လှအောင်နေ့စဉ်သောက်သုံးလို့ရသလို၊မျက်နှာနုချော အောင်ပေါင်းတဲ့နေရာမှာလည်း အသုံးချကြပါတယ်။

အခုဆိုရင် အလှကုန်ပစ္စည်းတွေမှာလည်းထည့်သွင်း လာသလို နနွင်းဆပ်ပြာကိုလည်း
လူတော်တော်များများ သုံးစွဲလာကြတာလည်းအံ့မခန်းဖွယ်ပါပဲ။

နနွင်းမှုန့်ရဲ့ဇာတိကတော့အင်ဒိုနီးရှားနိုင်ငံနဲ့တောင်ဘက်ပိုင်းအိန္ဒိယနိုင်ငံတွေဖြစ်ပြီး
နှစ်ပေါင်း၅၀၀၀ကျော်လောက်ကတည်းကစိုက်ပျိုးလာကြတာဖြစ်ပါတယ်။
နနွင်းဟာ သဘာဝ အရသာနဲ့ အရောင်အဆင်းရှိတာကြောင့် ရိုးရာဟင်းပွဲတွေမှာတော်တော်အရေးပါသော ဟင်းခတ်အမွှေးအကြိုင်ဖြစ်ပါတယ်။

ဥရောပတိုက်များကို ၁၃ရာစုနှစ်မှာ
အာရပ်ကုန်သည်များကနနွင်းရဲ့သုံးစွဲပုံနဲ့အကျိုးအာနိသင်များကို စတင် မိတ်ဆက်ပေးလိုက်ပါတယ်။
အဲဒီနောက်မှစပြီးအနောက်တိုင်းနိုင်ငံတွေလည်း နနွင်းကို လူအများကြိုက်နှစ်သက်ပြီးခေတ်စားလာပါတယ်။
အနောက်တိုင်း ဟင်းပွဲတွေမှာလည်း နနွင်းကိုထည့်ခတ်ချက်ပြုတ်လာတာကိုတွေ့ရှိရပါတယ်။

အခုအချိန်မှာ နနွင်းကို စီးပွားဖြစ်ဦးဆောင်ထုတ်လုပ်ပြီးကမ္ဘာတစ်ဝန်းဖြန့်ချိနေသောနိုင်ငံများကတော့
အိန္ဒိယ၊ အင်ဒိုနီးရှား၊ တရုတ်၊ ဖိလစ်ပိုင်၊ ထိုင်ဝမ်၊ ဟာ(အီ)တီနဲ့ဂျမေကာ နိုင်ငံတွေပဲဖြစ်ပါတယ်။

နနွင်းရဲ့အစွမ်းအာနိသင်ကတော့ရောဂါတော်တော်များများ ပျောက်ကင်းအောင်ထိကိုပါပဲ။
အူသိမ်၊ အူမ ကြီးရောင်ရမ်းခြင်းကိုလည်းဝ.၂၅ ရာခိုင်နှုန်းလောက်နဲ့တင် သက်သာစေပါတယ်။
ဒီလောက်နှုန်းကတော့နနွင်းမှုန့်ကိုဟင်းထဲထည့်ချက်ရုံနဲ့တင်
ရရှိနိုင်ပါတယ်။ အဆစ်အမြစ်ရောင်ရမ်း ကိုက်ခဲခြင်းရောဂါကိုလည်း သက်သာစေပါတယ်။

အရိုးအဆစ်ရောဂါသည် တော်တော်များများကနနွင်းမှုန့်ကို ပုံမှန်သုံးစွဲခြင်းဖြင့် သက်သာစေပါ
တယ်လို့ပြောကြပါတယ်။ ဘာကြောင့်လဲဆိုတော့နနွင်းထဲမှာ အမ်တီအောက်စီဒန့် (Antioxidant) နဲ့
အမ်တီ-အင်ဖလိမ်မက်တာရီ (Anti-Inflammatory) နှစ်ခုရောစပ်ထားခြင်းကြောင့် နနွင်းမှုန့်ကို ပုံမှန်သောက်သုံးခြင်းဟင်းထဲထည့်ချက်ခြင်းဖြင့် ကောင်းသောအကျိုးအာနိသင်
များကိုရရှိနိုင်စေပါတယ်။ မကြာသေးခင်ရှာဖွေတွေ့တာကတော့အဆစ်အမြစ်ရောင်ရမ်းကိုက်ခဲသည့်ရောဂါ
ဟာ ခါခူမင်း (Curcumin) နဲ့ Phenylbutazone နှစ်ခုကို နှိုင်းယှဉ်ကြည့်လျှင် မနက်ဘက် မှာ
အဆစ်အမြစ်တောင့်တင်းနေခြင်းကိုလည်း သက်သာစေပြီး၊ လမ်းလျှောက်နိုင်သောအခါမှာ အရင်ကထက်
ပိုမိုလျှောက်နိုင်ခြင်းနှင့်အဆစ်အမြစ်ရောင်ရမ်းခြင်းတို့ကို တိုးတက်ကောင်းမွန်လာစေပါတယ်။

နနွင်းဟာ ကိုလက်စထရောဓာတ်ကို လည်းလျော့ကျစေပါတယ်။ အသည်းထဲမှ LDL Cholesterol တွေ ကို
နနွင်း ရဲ့ ဓာတ်အား နဲ့ချေဖျက်နိုင်ပါတယ်။ နနွင်းရဲ့အစွမ်းအာနိသင်တွေ့ရှိလာသောကြောင့်
ဟင်းပွဲ အချိုပွဲနှင့်သောက်စရာတွေမှာ ပုံဆန်အမျိုးမျိုးနဲ့လည်းကမ္ဘာတစ်ဝန်းအသုံးပြုလာကြပါတယ်။

နနွင်းရဲ့အာနိသင်မပျောက်စေရအောင်လေလုံသောဘူးထဲမှာ နေရောင်တိုက်ရိုက်
မထိတွေ့နိုင်သောနေရာမှာထားပါ။ကိုယ်တိုင်နနွင်းတက်ကို အမှုန့်ကြိတ်ပြီးသုံးလျှင် ပိုတောင် ကောင်းမွန်ပါတယ်။နနွင်းတက်လေးများကို ရေခဲသေတ္တာထဲမှာလေလုံဘူးနဲ့ လည်းထည့်သိမ်းထားလို့ရပါတယ်။

လူတစ်ယောက်ချင်းဆီမှာတော့မတူညီသောကိုယ်ခံအားများရှိတာကြောင့် တချို့က နနွင်းနဲ့မတည့်
(Allergy) ဖြစ်တာမျိုးများ ရှိပါသလားလို့မေးခွန်းထုတ်ကြပါတယ်။
မတည့်တာမျိုးတော့မရှိပါဘူး။တွဲစားတဲ့အစားအစာ (သို့) လူကို ယားနာစေတာမျိုးတို့ပေါ့။
နနွင်း မှာ ကောင်းသော သံဓာတ်နဲ့မန်ဂနိနှစ်ခုလုံးပါဝင်သလို ဗိုက်တာမင် B 6 ၊အမျှင်ဓာတ်နှင့် ပိုတက်ဆီယံဓာတ်တို့လည်းပါဝင်ပါတယ်။
ဘယ်လိုပဲအသုံးပြုပြု ဒီဓာတ်အားတွေ အမြဲပါဝင်ရရှိနေတာကြောင့် ကျန်းမာရေးအတွက်
အထူးကောင်းမွန်သော ဟင်းခတ်မှုန့်ဖြစ်ပါတယ်လို့ပရိသတ်ကြီးရဲ့လက်တစ်ကမ်းမှာရှိနေတဲ့နနွင်းရဲ့
ကောင်းကြောင်းလေးသိရှိစေနိုင်ဖို့ ဖော်ပြလိုက်ပါတယ်။

Healthy Eating and Happy Life ပါနော်… ။

ရေခဲရေသောက်ခြင်း ၏ အန္တရာယ်(ဆိုးကျိုး)

လွန်ခဲ့တဲ့ ရက်ပိုင်းက မန်းလေးမြို့ ကျုံးနံဘေးတွင် ညနေဘက်အပြေးလေ့ကျင့်သူတဦးကိုရေခဲစိမ် ရေသန့်ဘူးပေးလိုက်ရာ တစ်ရှိန်ထိုးမော့ချလိုက်ပြီးနောက် သတိလစ်လဲကျပြီး ပါးစပ်မှ အမြှုပ်များ ထွက်လာသဖြင့် ဆေးရုံသို့ ပို့လိုက်ရသည်ဟု သိလိုက်ရသည်။

နေပူထဲမှပြန်လာပြီး အိမ်ရောက်သည် နှင့် ရေခဲသေတာထဲမှ ရေအေးအေးတစ်ပုလင်းထုတ်ယူပြီး အားရပါးရ သောက်ချလေ့ရှိသူ တစ်ဦးသည် လွန်ခဲ့သောရက်ပိုင်းက မျက်စိများ နီရဲလာပြီး ခေါင်းကိုက်လာသဖြင့် ဆေးခန်းတခု တွင် သွေးချိန်ကြည့်ရာ 200mmHg တတ်နေသဖြင့် ဦးနှောက်သွေးကြောပေါက်နိင်သောကြောင့် ဆရာဝန်းက ဆေးရုံတတ်ခိုင်း
လိုက်ကြောင်းသိရသည်။

ရာသီဥတုပူပြင်းသဖြင့် ပြင်ပသို့ လုံးဝ မထွက်ဘဲ အိမ်ထဲမှာနေရင်း ရေခဲရေကို(water Cooler)စက်မှယူပြီး တစွတ်စွတ်သောက်လေ့ရှိသော မိသားစုတစုရှိသည်။သူတို့တအိမ်လုံး မိတ်အိုင်းခေါ် မိတ်ဖုအပျဉ်လိုက်ထွက်ပြီး နီရဲနေသည်ကိုတွေ့ရသည်။ ၂နှစ်၊၃နှစ်အရွယ်ကလေးများ ရေခဲရေသောက်ပြီး ခေါင်းတွင် အပူဖုကြီးများထွက်ပြီး အချို့
အဖုကြီးများ ပြည်တည်ပြီး အပူဖုကဲ့သို့ ဖြစ်နေသည်။

ရေခဲရေကိုလေဖြင့် မှုတ်ပေးသည်. ပန်ကာတမျိူး Air Cooler ၀ယ်ပြီးအသုံးပြုနေသူများမှာမျက်နှာများရောင်အမ်းညခင်း၊အရေပြာထူပြီး ယားနားများထွက်ခြင်းတို့ဖြစ်ကြောင်း သတိထားမိသဖြင့် လေမှုတ်ပန်ကာထဲသို့ရေခရြေ မထည့်ဝံတော့ဘဲ ရိုးရိုးရေကိုသာ
ထည့်ပြီး သုံးစွဲနေရကြောင် သဲချင်းတဦးက ပြောပြလို့ သိရသည်။

ရေခဲချောင်း၊ရေခဲထုတ်စား သည့် ကလေးများမှာ အပူကန်ခြင်း၊မျက်နှာနှင့် မျက်ခွံများပေါ်တွင်မိတ်ဖုကြီးများ အနာဖုများ ထွက်ခြင်း၊ အစာမကြေခြင်း အာသီးေ၇ာင်ခြင်းများ အပြင် အချို့မှာ
ရေခဲမသန့်သဖြင့် ၀မ်းကိုက်ခြင်း၊၀မ်းလျှောဝမ်းပျက်ခြင်းများ ဖြစ်ကြောင်းသိရသည်။
စိတ်ပင်ပန်းသူ။သောကများသူ၊စာမေးပွဲနီးချိန် ၌ ကျောင်းသူ၊ကျောင်းသားများတွင်လည်းပါးစပ်နာများတွေ့ရသည်။

ထမင်းစားပြီးေ၇ခဲမုန့်စားကြသူများကို စားသောက်ဆိုင်ကြီးများတွင် တွေ့ဖူးသည်။ အချို့ဆိုင်က စားသုံးသူများကို Bill ရှင်းသည့်အခါ အချိုပွဲအဖြစ်ရေခဲမုန့်များလာချပေးသည်။အချို့အလှူ၊မင်္ဂလာဆွမ်းကပ်များတွင် ၀ါးတီး သွားဆွဲ ကြသည့်အခါ ထမင်း(သို့)ဒံပေါက်
၊ကြက်ဆီထမင်း စသည်တို့ ကျွေးမွေးဧည့်ခံပြီးနောက် အချိုပွဲဝိုင်းသို့ ထပ်မံသွားရောက်ရန်ဖိတ်ခေါ်ပြီး အချိုပွဲများနှင့် ရေခဲမုန့်ကျွေးသည်ကို တွေ့ရသည်။ရေခဲမုန့်အပြင်ရေခဲရေကိုတိုက်သည်. အလှူများလည်းရှိသည်။

ရှေးလူကြီးများပြောသည့် “၀မ်းမီး” ဆိုသောစကားကို ကြားဖူးမယ်ထင်ပါတယ်။လူ၏အစာအိမ်ထဲတွင် မြန်မာတိုင်ရင်းဆေးဆိုအရ ၀မ်းမီးဆိုသော အစာချေသည့်မီးရှိသည်။
ဝမ်းမီးတောက်မှအစာကြေမည်။အစာကြေမှ ၀မ်းမှန်မည်။ဝမ်းမှန်မှသာ အကြောအခြင်များပေါ့ပါးပြီး နေထိုင်ကောင်းမည်။ထိုင်းမှိုင်းခြင်း၊နောက်ကြောတတ်ခြင်း၊ဇက်ထိုးခြင်းတို့မှာ ၀မ်းချုပ်သူများတွင်ဖြစ်လေ့ရှိသော ရောဂါများဖြစ်သည်။

ထိုကဲသို့ရေခဲရေ သောက်ချလိုက်သည်နှင့် အစာကြေချက်ရန် တောက်နေသောဝမ်းမီးကိုငြိမ်းလိုက်သည်နှင့်တူသည်။မီးပုံကြီးကိုရေနှင့်လောင်းချလိုက်သော်အခါ ၀ုန်းခနဲ့ အခိုးအငွေ့များနှင့် ပြာပူများ အထက်သို့ ပြန်လွင့်တက်သွားသည်ကို မြင်ရသည်ဟုတ်။ ။

ထိုအခိုးအငွေ့များသည် အစာအိမ်မှထက်သို့ တက်လျှင်လည်ချောင်းတလျှောက်နှင့်အာခေါင်၊လျှာ၊သွားဖုံး စသည့်တို့သို့ ရောက်မည်ဖြစ်သည်။မြေသောက်ရေအိုးတွင်
ထည့်ထားသောေ၇အိုးသည် သာမန်ရေအေးဖြစ်သည်။ထိုရေကိုပင် အပူထဲကပြန်လာလျင်းချက်ချင်းမသောက်သင့်။ချွေးသိပ်ပြီးမှ သောက်ရမည်ဟု ရှေးလူကြီးများ ကဆိုသည်။

ရေခဲသေတ္တာ မှထွက်လာသော ရေပုလင်းများ၊Water Cooler မှကျလာသောရေတို့သည် သဘာဝ လွန်ကဲသော ရေပျက်ဖြစ်သည်။
ရေခဲရေကို အစဉ်သောက်သူများအားလေ့လာကြည့်တဲ့အခါ ခဏတာသာ ရေငတ်ပြေ ပြီး ပြန်ပူလာခြင်း၊မကြာခဏရေငတ်ခြင်း၊အာခြောက်ခြင်း၊အာသီးရောင်ခြင်း၊သွားနာခြင်း၊သွားဖုံးကြွခြင်း၊လျှာအရသာမတွေ့ခြင်း၊လည်ချောင်းပူခြင်း၊

နာခြင်း၊အစာရေမျိုပြွန်ရောင်ခြင်း၊ဖျားလျှင် အလွယ်တကူအူရောင်ခြင်း၊တကိုယ်လုံးညောင်းကိုက်ပြီးနောက်ကျောတတ်ခြင်း၊မျက်စိအမြင်မကြည်လင်ခြင်း၊အပူဖုများထွက်ခြင်းတို့မလွဲမသွေ ဖြစ်နိင်သည် ဟု ဆေးပညာ ဂျာနယ်တစောင်က ရေးသားထားသည်။
ရတနာပုံသတင်းစာမှ……………………..

ပူသောရာသီတွင် မြေအိုး၊သဘာဝရေအိုးမှ အေးသောရေကိုသာသောက်ပါ။
ဖြစ်နိင်ရင်ကြိုချက်ပြီးသောရေကိုအအေးခံပြီး ရေကျက်အေးသောက်ပါ။
ရေနွေးကြမ်း(သို့) အဖန်ရေကို ထမင်းစားပြီးတိုင်းသောက်ပါ။
နံနက်အိပ်ယာထရေမချိုးမီ ၊ညအိပ်ယာဝင်ချိန်တို့တွင် ရေတခွက်သောက်သောအကျင့်ကိုကျင့်ပါ။

ရေခဲရေ အလွန်အေးအောင်ပြုလုပ်ထားရေကိုရှောင်ပါ။ထမင်းစားနေစဉ် ထမင်းစားပြီး ရေခဲရေ တဆက်တည်းသောက်လျှင် အစာအိမ်ကိုဥပါတ်ဖြစ်စေသည်။
ရေကြောင့်အသက်ရှည်စေသည်။ရေခဲရေကြောင့်အသက်တိုစေသည်။ ။

အပူဒဏ်ခံနိုင်အောင် လက်ဖက်ရည်ကြမ်းသောက်ပါ
-------------------------------------------------------------
အပူဒဏ်ကို ကာကွယ်နိုင်ရန် လက်ဖက်ရည်ကြမ်းကို များများသောက်ပေးသင့်ပါတယ်။

လက်ဖက်ခြောက်ထဲမှာပါဝင်တဲ့ ဓါတ်ပေါင်း၊ ဓါတ်တိုးတစ်မျိုးဟာ လူတွေရဲ့ ကျန်းမာရေးကို များစွာအထောက်အကူပြုပေးနိုင်ပါတယ်။ လက်ဖက်ရည်ဟာ အင်ဆူလင်ရဲ့အာနိသင်ကို ၁၅%ရာခိုင်နှုံးအထိ တိုးမြင့်ပေးနိုင်တာမို့ ကင်ဆာရောဂါအမျိုးမျို၊နှင့် ဆီးချိုရောဂါ၊ နှလုံးရောဂါတို့ ကိုလည်း ကာကွယ်ပေးနိုင်ပါတယ်။ မိန်းကလေးများအတွက် အသားအရေလှပခြင်းကိုလည်း ဖြစ်စေပါတယ်။
ယခုဆိုလျှင် အာရှနိုင်ငံများဖြစ်တဲ့ ဂျပန်၊ ကိုရီးယား၊ တရုတ်၊ ထိုင်ဝမ်၊ ဟောာင်ကောင်၊ သီရိလင်္ကာ၊ အိန္ဒိယနှင့် ထိုင်းနိုင်ငံတို့ မှ ထုတ်လုပ်သော ဆေးဝါးများ၊ အလှကုန်ပစ္စည်းများ၊ စားသောက်ကုန်ပစ္စည်းများမှာ လက်ဖက်ဟာ များစွာပါဝင်နေပါပြီ။ လက်ဖက်ဟာ လူ့ ကျန်းမာရေးအတွက် ရာခိုင်နှုန်းများစွာ ထောက်ပံ့ပေးနိုင်သည့်အတွက်ကြောင့် ဖြစ်ပါတယ်။

လက်ဖက်ရည်ကို ဘယ်လိုသောက်ရမလဲ ?
လက်ဖက်ခြောက်ကို ရေနွေးဆူဆူပွက်ပွက်ထဲကို ၃ မိနစ်မှ ၅ မိနစ်အထိ နှပ်ထားလိုက်ပါ။ အပူကြိုက်လျှင် အပူသောက်နိုင်ပါတယ်။ အအေးသောက်လိုလျှင် အအေးခံထားပြီး သောက်နိုင်ပါတယ်။

ဝန်ထမ်းသမားများ၊ ရုံသမားများ၊ အလုပ်သမားများလည်း အအေးခံထားသည့် လက်ဖက်ရည်ကြမ်းကို ဗူးထဲထည့်သွားပြီး တစ်နေ့လုံး ရေဆာသည့်အခါတိုင်း သောက်နိုင်ပါတယ်။

လက်ဖက်ရည်ထဲမှာပါဝင်တဲ့ ဓါတ်များးဟာ အပူဒဏ်ကို ကာကွယ်ပေးနိုင်သည့်အပြင် လူရဲ့ကျန်းမာရေးကိုလည်း များစွာ အထောက်အကူပေးနိုင်ပါတယ်။

သတိပြုရန်
-----------
၁။ ဆူပွက်တဲ့ ရေနွေးထဲမှာ အနည်းဆုံး ၃ မိနစ်မှ ၅ မိနစ်ခန့် အထိ နှပ်ထားမှသာလျှင် အကျိုးအာနိသင်ရှိမည်။
၂။ (၂၄) နာရီထက်ကျော်လွန်ပြီးသော ရက်ကျော်လက်ဖက်ရည်ကို မသောက်သင့်ပါ။
စောနွဲ့ နေဆိုင် (ပူတာအို) ဘာသာပြန်သည်။
Ref: What are the health benefits of green tea?

ဒီကနေ့မှာဝေမျှပေးမယ့်စကားလေးကတော့ ကျွန်တော်QuatesGate.com ကနေရှာတွေ့ထားတဲ့ သောတရှင်တွေအတွက် လည်း
အကျိုးကျေးဇူးတစ်စုံတစ်ရာတော့ ရလိမ့်မယ်လို့ ယုံကြည်တဲ့စကားတစ်ခွန်းပါ။
အဲဒီစကားလေးကတော့။
“Life is too short to stress yourself over people who don’t even deserve to
be an issue in your life.”

“ဘ၀ဆိုတာသိပ်ကိုတိုတောင်းလွန်းတဲ့အတွက် ကိုယ့်ဘ၀အတွက်
အချက်ကလေးတစ်ခုလောက်တောင် အရေးမပါတဲ့သူတွေ ကြောင့် စိတ်ရှုပ်ထွေးမခံပါနဲ့။”

ပတ္တမြား FM

ဒီနေ့မှာတော့ ကျွန်တော် Quates gate.com ကနေရှာတွေ့ထားတဲ့ ပေါင်းသင်းဆက်ဆံရေးနဲ့ သက်ဆိုင်တဲ့ စကားတစ်ခွန်းကို ဝေမျှပေးဖို့ စီစဉ်ထားပါတယ်။
ဝေမျှပေးမယ့် ဒီနေ့အတွက်စကားကတော့။

“Don’t fear the enemy that attacks you, but the fake friend that hugs you.”

“သင့်ကိုတိုက်ခိုက်နေတဲ့ရန်သူကို မကြောက်ပါနဲ့။ သင့်ကိုဖက်ထားတဲ့ မိတ်ဆွေတုကိုသာ သတိထားပါ။”

ပတ္တမြား FM

ဒီကနေ့မှာဝေမျှပေးမယ့်စကားလေးကတော့ အခက်အခဲတွေကို ခဲယဉ်းစွာဖြတ်ကျော်နေရတဲ့သူတွေအတွက်
စိတ်အား တက်ကြွစေမယ့် စကားလေးပါ။ အဲဒီစကားလေးကတော့။

“Your hardest times often lead to the greatest moments of your life. Keep the faith.
It will all be worth it in the end.”

“ဘ၀အတွက်အခက်ခဲဆုံးအခိုက်အတန့်တွေဟာ အကောင်းမွန်ဆုံးအချိန်တွေကိုဦးတည်နေတတ်ပါတယ်။
ယုံကြည်မှုထားပါ။ အဆုံးသတ်မှာတော့ ထိုက်တန်မှုရှိနေမှာပါ။”

ပတ္တမြား FM

ဒီကနေ့မှာဝေမျှပေးမယ့်စကားလေးကတော့ အခက်အခဲတွေကို ခဲယဉ်းစွာဖြတ်ကျော်နေရတဲ့သူတွေအတွက်
စိတ်အား တက်ကြွစေမယ့် စကားလေးပါ။ အဲဒီစကားလေးကတော့။

“Sometimes people don’t want to hear the truth because they don’t want their illusions destroyed.

“ံတစ်ခါတစ်လေမှာ လူတွေက အမှန်တရားကို မကြားချင်ကြဘူး။
ဘာလို့လဲဆိုတော့ သူတို့ရဲ့ မှားယွင်းနေတဲ့ခံယူချက်တွေ ပျက်ပြယ်သွားမှာစိုးလို့ပါ။”

သမီး

အချိန်ဆိုတာ
ဆိုင်တင်ရောင်းတဲ့ ပစ္စည်းမဟုတ်လို့
ဝယ်လို့ မရဘူးနော်..
အချိန်ဆိုတာ..
ကုန်ဆုံးသွားပြီးရင်
အစားပြန်ရတာမျိုး မဟုတ်တဲ့အတွက်
မဖြုန်းတီးမိဖို့ လိုတယ်...
အချိန်ဆိုတာ..
ဘုရားသခင်ရဲ့ လက်ဆောင်မွန်ဖြစ်လို့
တန်ဖိုးထား အသုံးချတက်ရတယ်..
အချိန်ဆိုတာ..
အဖိုးတန်မှန်းမသိပေမယ့်..
ဘယ်လိုသုံးရကောင်းမှန်းမသိလို့..
အလဟဿ ကုန်ဆုံးသွားခဲ့ရင်
အရမ်းနှမြောစရာကောင်းတဲံ့အရာပေါ့..
အချိန်အကြောင်းကို သမီးလေး..
ကောင်းကောင်းသိပါစေ...

ဖေဖေ

သမီး

စီးပွားရှာဖွေလို့မရနိုင်တဲ့အရပ်
ပညာရှိ ပညာတက်တွေမရှိတဲ့ အရပ်
အုပ်ချုပ်သူကင်းမဲ့တဲ့ အရပ်
ဆေးဆရာမရှိတဲ့ အရပ်မှာ
တစ်နေ့တစ်ရက်တောင် မနေသင့်ဘူးလို့
လောကနီတိမှာဆိုထားတယ်။
အဲ့ဒီလို အရပ်ဒေသမျိုးမှာ
ကိုယ်ရောက်နေတယ်ဆိုရင်
အမြန်ဆုံး စွန့်စွာနိုင်အောင် ကြိုးစားပြီး
ပိုမိုကောင်းမွန်တဲ့ အရပ်ဒေသကို
စွန့်စားပြောင်းရွေ့ နေထိုင်သင့်တယ်။
တစ်ရွာမပြောင်း သူကောင်းမဖြစ်ဆိုတဲ့
ရှေးစကားပုံရှိတာ. သမီးအသိပဲလေ...
ဒါပေမဲ့...
နေရာဟောင်းစွန့်ခွာ
နေရာသစ်ကိုပြောင်းရွေ့ဖို့ဆိုတာ..
လွယ်တဲ့ကိစ္စတော့ မဟုတ်ဘူး..
စွန့်စားရဲတဲ့ သတ္တိနဲ့ ကိုယ့်ကိုယ်ကိုယ်
ယုံကြည်မှုအပြည့်ရှိဖို့ လိုတယ်....

ဖေဖေ

သား....
သိမ်းငှက်မှန်ရင် မြင့်မြင့်ပျံတယ်။
အဲ့ဒီသိမ်းငှက်ဟာ
သားကောင်ကို ဟိုးအဝေးကြီးက
မြင်နိုင်စွမ်းရှိတယ်။
သားကောင်ကို အချိန်ကိုက်
ထိုးသုတ်ပျံတက်နိုင်စွမ်းလည်း ရှိတယ်။
သားကောင် ဖမ်းမိဖို့
ဆုံးဖြတ်ချက်ချ တိကျမြန်ဆန်တယ်။
သားကောင်ကို ဖမ်းတဲ့အခါ
ကြီးငယ် မရွေး အလေးထားပြီး
ခွန်အားအပြည့်စိုက်ထုတ်တယ်။
သိမ်းငှက်ကို အတုယူပြီး
သားကြိုးစားမယ်ဆိုရင်
သားလိုချင်တာ ဘာမဆိုရနိုင်မယ်လို့
ဖေဖေ ယုံကြည်တယ်။

ဖေဖေ

သမီး

ံHappy men shall have many friends.
ပျော်ရွင်စွာ နေတက်သူများသည်
မိတ်ဆွေပေါများ၏..တဲ့။
ဘယ်နေရာမှာပဲဖြစ်ဖြစ်
ပျော်ပျော်ရွင်ရွင်
ရယ်ရယ်မောမောနဲ့
ဟာသပြောတက်တဲ့သူတွေမှာ မိတ်ဆွေပေါပြီး
ချစ်ခင်သူများသတဲ့.။
အဲ့ဒီလိုလူမျိုးကို သမီးအတုယူပြီး
ချစ်ခင်သူများပါစေ...

ဖေဖေ

သမီး
သူများလက်ထဲရှိတဲ့ ဥစ္စာ၊
စာရွက်ပေါ်မှာရှိတဲ့ ပညာ
ကိုယ့်ဟာ မဟုတ်ဘူးနော်.။
အသက်မွေးဝမ်းကျောင်းပြုနိုင်တဲ့
အတက်ပညာတစ်ခုခုကို
အသေအချာတက်အောင်သင်
ကျွမ်းကျွမ်းကျင်ကျင်ရှိမှ
အဲ့ဒါ ကိုယ်ပိုင်ပညာ။
ကိုယ်ပိုင်ပညာတက်မှ
ကိုယ်ပိုင်ဥစ္စာကို ဖန်တီးနိုင်တယ်ဆိုတာ
အထက်တန်းကျောင်းသူ ဘဝကတည်းက
သမီးကိုစောစောစီးစီး သိစေချင်တယ်။
ဒါမှ....
ကြိုတင်ပြင်ဆင်ချိန်ရမှာပေါ့။
ဘာပဲလုပ်လုပ် ကြိုတင်ပြင်ဆင်ထားတာ
မမှားဘူးပေါ့ သမီးရယ်။။။

ဖေဖေ